గుడిలోకి కాకున్నా
ఆమె జడలోకైనాఎంచుకోలేదు!
ఇక నీ లోకమిదేనని
సహచరులు వెక్కిరిస్తూ వెడలిపోయారు..
రంగో.. రూపమో.. లోపమెక్కడుందో!
అస్పష్ట సందేహమేదో
ఒంటరిని చేస్తుంటే
ఏటవాలు కిరణమొకటి
వెచ్చగా హత్తుకుంది..
తెమ్మెరేమో బుగ్గ తడిమి వెళ్ళింది..
తల్లిపొదనే తనువు చాలించే
స్వేచ్ఛ ఇపుడు నా సొంతమనే
కోయిల సందేశం చేరుతుండగానే
తుమ్మెద తొలిముద్దు పెట్టింది!
(పొద్దు వారి ఉగాది వచన కవి సమ్మేళనం 'తామస విరోధి' కొరకు వ్రాసిన కవిత.. చిన్న మార్పుతో)
