Pages

Tuesday, October 16, 2007

నగల పెట్టె

ఎన్నేళ్ళ అపురూప సేకరణో
పెట్టె నిండి పోతోంది!

అనుభూతుల హారాలు
భావాల బంగారు గాజులు
ఆలోచనల లోలాకులు
ఊహల వడ్రాణం
అక్కడక్కడా
కలల రవ్వలద్ది...అచ్చంగా నీ కోసమే!

అన్నీ ధరించి
ఆకస్మిక వైభవాన్ని
నీకు పరిచయం చేస్తే..
ఏదీ నాక్కావాల్సిన ఆమోదం ??

తిరిగి అవన్నీ
పెట్టెలోకి యధాతధంగా..
నన్ను నేను బందీ చేసుకున్నట్టు..

తాళాన్నిజీవనారణ్యంలోకి విసిరేసి
విజయగర్వంతో
నన్ను చూసిన నీ కళ్ళలో విస్మయం..

అస్తిత్వానికి ప్రతీకగా
ఇంకా నా ముక్కున
మెరుస్తున్న ముక్కుపుడక!!

(తొలి ప్రచురణ)

3 comments:

jags said...

"astitvaaniki prateekagaa naa mukkuna merustunna mukkupudaka" ee okka line lo ento cheppaaru. wonderful thots.

నిషిగంధ said...

Thanks again Jags gaaru :-)

జాన్‌హైడ్ కనుమూరి said...

this poem collected for 10 years poetry ANEKA

CONGRATULATIONS