నందివర్ధనాలు
తెలిమంచులో
పవిత్రస్నానాలు చేసేసి
ఇంట్లోకి ఆత్రంగా
చూస్తున్నాయి..
పూజకి వేళైంది కాబోలు!
రంగవల్లిని
కుశలప్రశ్నలు అడుగుతూనే
చిరుగాలితో సమాలోచనలు..
ఆ వర్ణాల్ని తమకికాస్త అద్దమని!
కిరణాలతో
ఎడతెగని ఊసులనుకుంటా..
అలసటతో తలలు వంచి
ఆఖరి మజిలీకిసిద్ధమౌతున్నాయి!(తొలి ప్రచురణ)
2 comments:
చాలా బావుందండి.. నాకు బాగా నచ్చిన వాటిలో నందివర్ధనాలు ఒకటి. :)
it is very nice. i like it very much
Post a Comment