నేలకూ నింగికీ మధ్య
కడుతూ ఆపేసిన
ప్రాచీన వారధిలా..
కనుచూపుమేరలో గంభీరంగా!
ఏ ఝామున జాబిల్లితో
దోబూచులాటలో!
శిఖరాన సేద తీర్చుకుంటున్న
మబ్బు తునకలు..
మెలమెల్లగా అలుముకుంటున్న
పచ్చదనం ..
ఏ వింత అనుభవాన్ని
పంచుకుంటున్నాయో!
మూకుమ్మడిగా గువ్వల కిలకిలలు..
అలుపెరుగకుండా
పాదాలతో ఆడుకుంటున్నసెలయేరు..
ఆసాంతం చైతన్య ఝరి..
తను మాత్రం నిశ్చలంగా!
విశ్వరహస్యాలను భద్రపరుస్తూ!!
(తొలి ప్రచురణ)
No comments:
Post a Comment